કુપાત્રની પાસે વસ્તુના વાવીએ || PANBAI BHAJAN || KUPATRANI PASE VASTU

કુપાત્રની પાસે વસ્તુના વાવીએ રે 
ને સમજીને રહીયે ચૂપ રે 
લાલચ આપેને દ્રવ્ય કરે ઢગલા રે 
ભલે હોઈ શ્રીમંત કે ભૂપ રે... કુપાત્રની

ભજની જનોને ભક્તિમાં રહેવું 
કરવો સ્મરણ નીર્ધાર રે 
અજ્ઞાની આગળ નવ ઉચ્ચારવું ને 
બાંધવા સુરતા કેરા તાર રે... કુપાત્રની

ઉપદેશ દેવા તો પ્રથમ ભક્તિ દેખાડવી
ને ગાળી દેવો તેનો મોહ રે 
દયા કરીને તેને પાત્ર બનાવો ત્યારે 
રાખવો રે એમાં ઘણો સ્નેહ રે... કુપાત્રની

સંશય ટળે ને મનડું ગળે ને 
રાખે નહિ કોઈના પર દ્રેષ રે
ગંગા રે સતી એમ બોલિયાં 
એવા ને દેખાડવો હરિ નો દેશ રે... કુપાત્રની

- ગંગાસતી ભજન       PanbaiLybricsBhajan