સદગુરૂ વચનના || Sadguru Vachan Na || Gangasati Panbai Bhajan Lyrics

સદગુરૂ વચનના થાવ અધિકારી
મેલી દયો અંતરનું અભિમાન 
માંન રે મેલીને તમે આવો રે મેદાન માં 
સમજો ગુરુજીની સાન રે... સદગુરૂ વચનના

અંતર ભાંગ્યા વિના ઉભરો નહિ આવે 
નહિ થાય સાચે સાચી વાત રે 
આટી છૂટે જતારે અંતર તણી ત્યારે 
પ્રભુજી દેખાય ક્ષાત ક્ષાત રે... સદગુરૂ વચનના 

સત્સંગ રસ તો  અગમ અપાર છે 
એતો પીવે કોઈ પીવન  હાર રે
તન મન કેરી જયારે શુદ્ધ બુદ્ધ ભુલાશે 
ત્યારે અરસ પરસ મળશે એક તાર રે ... સદગુરૂ વચનના

ધડની ઉપર જેને શીષ મળે નહિ 
એવો ખેલ છે આ ખાંડા કેરી ધાર રે
એમ રે તમારું તમે શીષ ઉતારો  
તો તમને રમાડું બાવન બાર રે ... સદગુરૂ વચનના

હું અને મારુ એ મન નુ કારણ પાનબાઈ
એ મન જયારે મટ્ટી જાય રે 
ગંગા રે સતી એમ બોલિયાં પાનબાઈ 
ત્યારે અંતર માં અલખ દેખાય રે ... સદગુરૂ વચનના 

- ગંગાસતી ભજન       PanbaiLybricsBhajan