સરળ ચિત્ત રાખીને || Saral Chitt Rakhine || Gangasati Panbai Lyrics Bhajan

સરળ ચિત્ત રાખીને નિર્મળ રહેવું 
ને આણવું નહિ અંતરમાં અભિમાન રે 
પ્રાણી માત્રમાં સમ દ્રષ્ટિ રાખવી 
ને અભ્યાસે જીતવો અપાન રે... સરળ ચિત્ત

રજ કર્મ થી સદા દૂર રહેવું 
ને કાયમ કરવો અભ્યાસ રે 
પાંચેય પ્રાણને એક ઘરે લાવવા 
ને શીખવો વચન નો વિશ્વાસ રે ... સરળ ચિત્ત

ડાબી ઇંગલા ને જમણી પિંગલા 
ને રાખવું સ્વર ભેદનમાં ધ્યાન રે 
સૂર્યમાં ખાવું ને ચંદ્ર માં જળ પીવું 
ને કાયમ રહેવુ વર્તમાન રે ... સરળ ચિત્ત

નાડી શુદ્ધ થયા પછી અભ્યાસ જાગે 
ને એમ નક્કી જાણવું નીર્ધાર રે 
ગંગાસતી એમ બોલિયાં રે
ખેલ છે અગમ અપાર રે  ... સરળ ચિત્ત
- ગંગાસતી ભજન       PanbaiLybricsBhajan