સ્થિરતા એ રહેજો || Sthirta A Rahevu || Gangasati Panbai Lyrics Bhajan

સ્થિરતા એ રહેજો ને વચન માં ચાલજો 
ને રાખજો રૂડી રીત રે 
અજાણ્યા સાથે વાત નવ કરજો 
ને જેનું મન સદા વિપરીત રે ...સ્થિરતા એ રહેજો 

આગળ ઘણા મહાત્માઓ થઈ ગયા 
ને તેણે કુપાત્ર નો કર્યો નિષેધ રે 
એક આત્મા જાણી ને અજ્ઞાની પ્રબોધિયો 
ને ઉપજાવે અંતર માં ખેદ રે ...સ્થિરતા એ રહેજો 

લિંગ વાસના માં જેનું ચિત્ત લાગ્યું 
ને આશક્ત છે વિષ માંય રે 
એવા ને ઉપદેશ કદી નવ કરવો 
ને જેને લાગે નહિ ઉરમાંય રે  ...સ્થિરતા એ રહેજો 

ઉપાધિ થકી આપણે નિર્મળ રહેવું 
ને ચૂકવો નહિ અભિયાસ રે 
ગંગાસતી એમ બોલિયા રે 
ત્યાં ટકે નહિ દૂરી જાણ નો વાસ રે  ...સ્થિરતા એ રહેજો 

- ગંગાસતી ભજન       PanbaiLybricsBhajan